ПОЗИЦИЯНЫ НЫҒАЙТУ: «BORUSAN CAT ҚАЗАҚСТАН» КОМПАНИЯСЫ ҚКСӨҚ ҚҰРАМЫНДА

Халықаралық ынтымақтастық пен сауда желісін кеңейту жөніндегі стратегияны іске асыру шеңберінде «Borusan Cat Қазақстан» компаниясы өзінің ресми түрде Қазақстан-Катар Сауда-өнеркәсіп қауымдастығына (ҚКСӨҚ) енгені туралы мақтанышпен хабарлайды. Бұл оқиға әлемдік нарықта біздің болуымызды күшейту үшін жаңа мүмкіндіктер ашады және бизнестің одан әрі дамуына ықпал етеді. 

ҚКСӨҚ – бұл Қазақстан мен Катар арасындағы сауда байланыстары мен өнеркәсіптік байланыстарды дамытуға жәрдемдесу мақсатында құрылған ұйым. Қауымдастық қатысушыларға серіктестердің кең желісіне, пайдалы байланыстарға және нарықтардағы жаңа мүмкіндіктер туралы ақпаратқа қолжетімділікті ұсына отырып, екі елдің бизнес өкілдерін өзара іс-қимыл жасауға арналған платформамен қамтамасыз етеді. Екіжақты инвестициялар мен саудаға жәрдемдесу ҚКСӨҚ жұмысының негізгі бағыттарының бірі болып табылады. Бұл жайт қауымдастық қатысушыларына өз қызметін халықаралық деңгейде тиімді түрде кеңейтуге мүмкіндік береді. 

Катар және басқа Парсы шығанағы елдері секілді перспективалы нарықтары бар аймақтарда компанияның бірқатар мүмкіндіктерін кеңейту — ҚКСӨҚ құрамына енудің басты артықшылықтарының бірі. Жаңа бизнес-байланыстарға, пайдалы кеңестерге және сараптамалық деректерге қол жеткізу компанияның позициясын жақсартуға және стратегиялық жоспарлауды оңтайландыруға мүмкіндік береді. Сондай-ақ қауымдастықтың арқасында бірлескен жобаларға қатысу мүмкіндігі пайда болады. Бұл жайт қаржыландырудың жаңа көздеріне және технологиялық базаны жақсартуға жол ашады. 

Көптеген жылдар бойы «Borusan Cat Қазақстан» компаниясы «Біз әлемді жақсартуға шешімдер құрамыз» деген өз мақсатын ұстанып келеді және осы бағытта жұмысын жалғастыра отырып, Тапсырыс берушілердің неғұрлым кең базасы үшін инновациялық шешімдер ұсынуға ниетті. Қауымдастық ұсынатын ресурстар мен мүмкіндіктерді пайдалана отырып, біз халықаралық аренадағы позицияларымызды нығайтуға, бизнестің жаңа перспективаларын зерделеуге және ұзақ мерзімді серіктестік қатынастарды орнатуға әрекет жасаудамыз. Біз бұл оқиға біздің жаһандық көзқарасымызды дамытуға ықпал ететініне және тұтастай алғанда компанияның тиімділігіне оң әсерін тигізетініне сенімдіміз.