СЕРІКТЕСТІКТІ НЫҒАЙТУ: BORUSAN CAT ҚАЗАҚСТАН ЖӘНЕ CATERPILLAR® КОМПАНИЯЛАРЫНЫҢ ТАПСЫРЫС БЕРУШІЛЕРМЕН БІРГЕ ҚЫТАЙДАҒЫ ЗАУЫТҚА САПАРЫ

2024 жылдың көктемінде Caterpillar® компаниясының Oil&Gas бөлімшесі және «Borusan Cat Қазақстан» компаниясы Caterpillar өндірістік қуаттарымен таныстыру үшін өздерінің CNPC «Тоби мунайгас», «Тоби мунай ман комплект» және «Октябрьскнет» компанияларындағы негізгі тапсырыс берушілері үшін Қытайдағы Caterpillar зауытына бірлескен сапар ұйымдастырды. Делегацияда тапсырыс беруші компаниялардың өкілдерінен және Caterpillar мен Borusan Cat Қазақстан қызметкерлерінен тұратын 14 адам болды.

Делегацияға қатысушылар Cat зерттеулер және әзірлемелер бөлімінің басшыларымен және аймақтық менеджерлермен кездесті. Caterpillar және Borusan Cat Қазақстан компанияларының қызметі туралы айтып, мұнай-газ өнеркәсібі сегментінде тапсырыс берушілерді қолдау тәжірибесімен бөлісті. Тапсырыс беруші компания өкілі, CNPC AMG вице-президенті Ли Гаочао Caterpillar-мен арадағы бизнес тарихы туралы, Borusan Cat Қазақстанмен бизнестің дамытылуы және Қазақстандағы бизнесті дамыту перспективалары туралы айтып, сөз сөйледі.

Делегация сонымен қатар әртүрлі Cat® қозғалтқыштарын шығаратын Caterpillar Tianjin Ltd кәсіпорнына барды. Тапсырыс берушілер зауыттағы қауіпсіздікті, технологиялық процестердің басқарылуына, тазалыққа және сапаның бақылануына жоғары баға берді. Шанхай қаласындағы Cat Reman зауыты делегация сапарының соңғы орны болды, ол жерде Тапсырыс берушілер Caterpillar мамандарымен жөндеу процесі, сапаны бақылау және инспекция жүргізу өлшемшарттары туралы пайдалы талқылауларға қатысты.

CNPC компаниясы Cat қозғалтқыштары мен генератор қондырғыларының үлкен паркін пайдаланады. Аталмыш стратегиялық тапсырыс берушімен арадағы серіктестік жылдан жылға нығайып келеді және өзара тиімді әрі тиімділігі жоғары іскерлік одақ болып қала беруде. Cat кәсіпорындарына бару тапсырыс берушілерге Cat техникасының жоғары сапасы мен оның кәсіпорындағы құндылығына көз жеткізуге және ұзақ жылдарға Borusan Cat Қазақстанмен ынтымақтастық құрылатынына сенімділікті арттыруға мүмкіндік берді.